عندِك خبر – وائل ديوب

وائل ديوب

عندِك خبر:

عندي مشاكل بالصّور،

عم خربط بْترتيب ضحكاتِك

في ضحكة لمّا بتستحي

بتغمّضي عيونِك

وِبْتدفني وجهِك ورا دَيكي

وفي ضحكة لمّا بْتفرحي

مالا مدى

وْمافي حدا يكونِك

كَنّو سمانا وْ وقعت عليكي

وفي ضحكة لمّا بْتكذبي

بِضحك أنا

وِبْصدّق عْنيكي

وفي ضحكة إسما زعبرة

وفي ضحكة صفرة مغبّرة

وفي ضحكة مَ بْعمري شِفِت

متلا على شْفايف مَرَا

وضحكة إلي وحدي

هَيدي وقت لِ بْتنتشي

بْكاس العشق بيناتنا

سْكَبتو عَ شفّاتِك

معقول شُ بْخربط أنا

بْترتيب ضحكاتِك؟!!!

اترك رد

%d مدونون معجبون بهذه: