واحة شِعِر – مارون الماحولي (لبنان)

حِملِت سَفَر… راحت مع التّلويح

تِرفَع ع تاج الرّوح لبنانا

تغفّي السّما… تا يسمع التّسبيح

كل ما مَرَق شي بيت ع لسانا

من شال صَوتا تْنَسِّل تْراويح

وتدرز ع زاف الغيم

ألواناسنونو الوقت، ساعه بإيد الرّيح

تكّه وتكّه تطرّزن ع الزّيح

وتعلّقن ع كمام فستانا

***

قماش العتم… لفّ البدر بـْحجاب

تا صار وجّا هلال ومضوّا

جِفنا بطن، يحبَل بألف كتاب

وبّوبّو الشّعر بتكوّنو جوّا

كفوفا “درفتين ومدا” وغياب

جَمْعِت صبيعا وسكّرت هالكون

سبحان الله اللي خَلَق حوّا

١Ramz Husainتعليق واحدشاهده الجميعأعجبنيتعليق

اترك رد

%d مدونون معجبون بهذه: